KAKAVIJË
Ministri i Brendshëm Sandër Lleshaj me anë të një deklarate, ka reaguar në lidhje me situatën e rënduar në Kakavijë.
Lleshaj shprehet se policia po bën gjithcka që është e mundur, ndërsa shton se qytetarët duhet të bashkëpunojnë me forcat policore.
Sipas Lleshajt, Policia e Shtetit po bën më të mirën, duke vlerësuar se sërish situata në Kakavijë është problematike.
Postimi i ministrit të Brendshëm Sandër Lleshaj:
Me gjithë masat e marra për normalizimin e gjendjes në pikat e kalimit kufitar me Greqinë, gjendja mbetet ende problematike.
Me qëllim shmangien e grumbullimeve dhe të pritjes në radhë të gjatë të qytetarëve dhe sidomos të fëmijëve, Policia e Shtetit do të vendosë pika kontrolli në akset rrugore që çojnë drejt pikave të kalimit kufitar për të këshilluar dhe kërkuar nga qytetarët që të shtyjnë planet e udhëtimit drejt Greqisë për një moment më të përshtashëm, ose të paktën të ndalojnë dhe të presin në kushte më të përshtatshme në qytetet ose fshatrat përgjatë rrugës, deri në krijimin e mundësive reale për kalimin e kufirit, pa orë të stërgjatura pritjeje.
Ftojmë qytetarët për mirëkuptim dhe bashkëpunim me forcat e Policisë dhe strukturat e tjera të angazhuara në menaxhimin e kësaj situate të pazakontë, të padëshiruar, por edhe të pashmangshme 🇦🇱
