Deputeti Damian Gjiknuri ka sqaruar për mediat incidentin me deputetin Halit Valteri jashtë ambienteve të Kuvendit, ku ky i fundit tentoi ta qëllonte.
Ndërkohë deputeti Gjiknuri e ka mohuar faktin që e ka kërcënuar në telefon Valterin.
Sipas tij, deklaratat e deputetit Halit Valteri janë qëndrime politike dhe ai nuk kishte për çfarë ta kërcënonte kolegun.
“Pse ta kërcënoja, nuk jam këtu për t’u marrë me Valterin, Nuk e di çfarë kërcënimesh ka marrë nga Gjiknuri. Kush është në politikë ka akuza personale. Unë nuk kërcënoj njeri, është e rëndësishme që sot është një ditë e madhe, sepse votohet Kodi i ri Zgjedhor. T’i denoncojë ato që ka”, u shpreh Gjiknuri.
