Pas ngjarjes së rëndë në Burgun e sigurisë së lartë në Peqin ku Sokol Mjacaj ka vrarë me armë një person dhe ka plagosur 1 tjetër ka ardhur edhe reagimi nga Drejtoria e Përgjithshme e Burgjeve.
“Për shkak të një konflikti mes tre të dënuarve me burgim te përjetshëm kanë mbetur të plagosur dy prej tyre, situata po menaxhohet! Ju sqarojmë që s’ka asnjë gardian, staf policor dhe civil të lënduar!”, thuhet në këtë deklaratë.
Ka qenë Sokol Mjacaj ai që ka qëlluar me armë dhe është përplasur me dy të dënuar po me burg përjetë, Indrit Shaqen dhe Arben Lleshi. Të tre këta persona konsiderohen si persona me rrezikshmëri shumë të lartë.
Mjacaj u dërgua sot ne shërbimin “41biss”, pas urdhrit të ministrit Ulsi Manja, ndërsa është dënuar përjetë për vrasjen e dy turisteve çek, në Dukagjin, në vitin 2015.
