Kryeministri Edi Rama reagoi pak minuta më parë në rrjetin social Twitter në lidhje me denoncimet e PD për Valdrin Pjetrin dhe për dokumentet e publikuara nga Kuestura Italiane.
Nga këto dokumente provohet dënimi i dhënë për Valdrin Pjetrin, 16 vite më parë.
Sipas dokumentit të publikuar nga PD, Pjetri u dënua më 21 qershor 2003 nga Gjykata e Firences Itali me 18 muaj burg dhe 1000 euro gjobë. Madje ai vetë shprehet PD ka firmosur pranimin e fajësisë.
Pas reagimit të Ramës, vjen edhe reagimi i Gazment Bardhit. Sekretari i Përgjithshëm i PD, shkruan se tashmë shqiptarët e kanë parë filmin si me Elvis Roshin, Arben Ndokën e Mark Frrokun.
“Heshti për 11 ditë dhe tani po përsërit filmin që kemi parë me Elvis Roshin, me Arben Ndokën, me Mark Frrokun, me Armando Prengën, me Artur Bushin, me shume Edi Rama kriminelë të veshur me pushtet.
Valdrin Pjetrin e emëroi Edi Rama, nuk u bë vetë as drejtor hipoteke, as prefekt, as kandidat për Kryetar Bashkie.
Lojës me larje duarsh i ka ardhur fundi!
Edi Rama është damkosur si kryeministri që promovoi krimin në parlament, qeveri dhe bashki”, shkruan Bardhi në reagimin e tij.
