Reagimet kanë qenë të shumta pasi në rrjet u publikuan fotot që vërtetonin lidhjen mes Teas dhe Beartit. Pas komenteve nga konkurrentët e tjerë dhe ndjekësit, ka qenë edhe opinionisti i “Për’puthen”, Arjan Konomi që ka reaguar duke ndarë në Instagram një bisedë që Andi dhe Tea kanë bërë në njërin prej takimeve të tyre.
Në bisedë dëgjohet Tea duke thënë se ajo ka pasur një takim emocionues me dikë që nuk ishte më pjesë e “Për’puthen”, por nuk përmendi emra. Ajo thotë se të gjithë e dinë kush është dhe mesa duket që aty ka dashur të tregojë se zemra i ka rrahur fort vetëm për Beartin.
“Që asnjëri nga ne nuk do të ishte këtu sot. Nesje. Do e gjejmë një moment. Ashtu siç pate ti një emocion goxha të fortë, që i mbikaloi ato… Ti the jam midis këtyre. Edhe për mua ndoshta një takim ishte më emocionues se sa ata të tjerët. Dihet se kush është, persona që s’janë më aty”, shprehet Tea gjatë bisedës me Andin.
Në përshkrimin e videos Konomi shprehet se se nuk e ka harruar për asnjë çast këtë moment mes Andit dhe Teas, që dolën si çift nga “Për’puthen”. Gjithashtu nuk ka munguar edhe reagimi i tij në rrjetet sociale ku shprehet se nuk dinte asgjë për historinë mes Teas dhe Beartit.
“Unë nuk kam pasur as dijeninë më të vogël, as dyshimin më mininal që mund të ekzistonte kjo e vërtetë, që ju keni marrë vesh këto ditë. Nëse kam pasur dyshime, kanë qenë dyshime për pëlqime, në momente të caktuara që tani i takojnë 3-4 muaj më parë. Por përveç atyre dyshimeve për pëlqim dhe një tërheqje reciproke, kam qenë totalisht në mungesë të plotë të çdo dijenie deri në momentin që do ishte Prime, kur Tea dhe Andi do largoheshin nga ai emision. Këtë e them me ndershmërinë më të madhe në radhë të parë tek ata që kanë besuar tek fjala ime dhe personi im”, është shprehur Konomi.
