Ish-kryeministri maqedonas, Nikola Gruevski, është dënuar së bashku me disa bashkëpunëtor dhe ish-anëtarë të kabinetit të tij, për rastin “Shuplaka”.
Bëhet me dije se ish-kryeministri është dënuar me një vit e gjysmë burg në mungesë, pas arratisjes së tij dhe kërkimit të azilit politik që kërkoi në Hungari rreth një vit më parë tek miku i tij, kryeministri aktual hungarez Viktor Orban.
Ndërkohë për rastin “Shuplaka” , janë dënuar edhe ish ministri Mile Janakieski me një vit burg me kusht, në rast se në katër vitet e ardhshme nuk përsërit asnjë vepër penale, si me nga 9 muaj dënim me kusht kusht në rast se në tre vitet e ardhshme nuk do të përsërisin veprën e njëjtë, Aleksandar Trajkovski, Darko Stojqevski, Daniell Trifunovski.
Ndërsa me 6 muaj burg me kusht, në rast se brenda 2 viteve nuk e përsërisin veprën e njëjtë dënohen Trajçe Petkovski, Igor Boshkovski.
Kujtojmë se gjatë viteve 2015-2016, kreu i opozitës së asaj kohe, kryeministri i sotëm Zoran Zaev, publikoi përgjime të qujatura “Bombat e Zaev”, ku tregoheshin montimet e proceseve gjyqësore dhe emërimet e gjyqtarëve nga kryeministri Guevski dhe kabinëeti e bashkëpunëtorët e tij.
Po ashtu në përgjime dilte edhe ish-kryeministri Gruevski i cili kërkonte rrahjen e kundërshtarëve politik, si dhe rasti i ’27 prillit’ ku në Kuvendin e Maqedonisë së Veriut, pati rrahje masive të përfaqësuesve shqiptarë dhe deputetëve të partisë LSDM të kryeministrit Zoran Zaev, nga militantë të partisë së Gruevskit, VMRO-DPMNE-së. Rast i cili po hetohet në kuadë të akuzës së kërcënimit terrorist të rendit kushtetues të shtetit, si dhe nxitje urrejtje dhe konflikti ndëretnik./ GazetaReforma.com.
