Pak ditë më parë, emisioni italian ‘Le Iene’, transmetoi historinë e Alvinit 11 vjeç, i cili ndodhet në një kamp në Siri.
Ai jetonte me familjen në Itali, por nëna e mori me vete 5 vite më parë në Siri.
Stafi i emisionit mundësoi një takim mes Afrim Berishës dhe djalit të tij, të cilët u takuan pas 5 vitesh
. Kthimi i Alvinit është i vështirë, pasi territori kontrollohet nga forcat kurde, të cilat janë në luftë me ushtrinë turke.
Ndërkohë 7 deputetë të opozitës kanë kërkuar interpelancë urgjente me Ministrin për Europës dhe Punët e Jashtme, Gent Cakaj.
Ata kërkojnë informacion, për përpjekjet e qeverisë shqiptare, për kthimin e Alvinit.
Kërkesa me firmat e deputetëve, i është dërguar kreut të Kuvendit, Gramoz Ruçi.
Kjo iniciativë është ndërmarrë nga Andi Përmeti dhe ka gjetur mbështetjen e deputetëve të tjerë.
