Ditën e sotme numri i të prekurve nga COVID-19 në vendin tonë shkoi në 433.
Rastet e reja u shënuan 10 në Tiranë, 3 në Shkodër dhe nga një në Durrës, Pukë, Lushnje dhe Krujë.
Njëra nga të prekurat në Shkodër është punonjëse në një fasoneri, e cila konsiderohet si vatër e re.
Për dy të tjerë ndërkohë nuk ka ende informacion.
Duke llogaritur edhe rastin e ri në Pukë, numri total i të prekurve në qarkun e Shkodrës ka shkuar në 57.
Ndërkohë në Krujë rasti i ri është nga familja e identifikuar më herët.
Pacienti nuk e kishte kryer tamponin, edhe pse tre familjarë të tij kishin rezultuar pozitivë.
Pas një rikontrolli gjatë ditës së djeshme, 3 të prekurit ishin shëruar, por personi tjetër në familje rezultoi pozitiv.
Deri më tani në total janë kryer 3644 teste të kryera, nga të cilët 433 kanë rezultuar pozitiv.
Numri i të vdekurve ka shkuar në 23, ndërsa të shëruar janë 197.
