Një 14-vjeçar është shtruar me urgjencë në QSUT pas diagnostikimit me meningit në spitalin e Durrësit gjatë fundjavës.
I mituri është nën kujdesin e mjekëve, ndërsa rasti është mbajtur i fshehtë nga autoritetet shëndetësore.
Prindërit e nxënësve të shkollës 9-vjeçare “Kushtrimi i Lirisë” kanë shprehur shqetësim për mungesën e masave profilaktike, pasi nuk janë njoftuar për situatën dhe nuk është ndërmarrë asnjë masë parandaluese.
Aktualisht, nxënësit po vijojnë mësimin në shkollën “Eftali Koçi”, pasi godina e shkollës së tyre është në rikonstruksion.
Ky rast ndodhi pas një tjetër tragjedie në dhjetor, kur një 17-vjeçare humbi jetën nga meningiti akut në QSUT.
Pas një ekskursioni në Voskopojë, gjendja e saj u përkeqësua shpejt dhe pas transferimit në Tiranë u diagnostikua me meningit akut. Të gjithë personat e ekspozuar iu rekomanduan medikamente profilaktike dhe u dezinfektuan ambientet e shkollës.
