Jorida Tabaku ka reaguar pas bërjes publike të raportit të MONEYVAL, mbi mos plotësimin e kushteve nga qeveria shqiptare. Në raport theksohej ndër të tjera se nuk gjente ndonjë përmirësime të dukshëm kundër pastrimit të parave në Shqipëri. Tabaku thotë se duket shumë qartë që paratë me dëshirën dhe vullnetin e qeverisë Rama kanë qarkulluar për të ndikuar në zgjedhjet Parlamentare të 25 prillit, sipas saj.
“Nga sot bëhet edhe më e qartë se si me dëshirën dhe vullnetin e qeverisë Rama këto parà kanë qarkulluar për të ndikuar plotësisht në zgjedhjet e këtij viti. Shqipëria po kthehet përherë e më shumë në mafiokraci e cila sundon në vend të qeverisë. Krimi i organizuar dukshëm ka lëshuar rënjët e tij në vendin e vetëm Europian të futur në listën gri të MONEYVAL. Një provë e radhës që dëshmon se si janë blerë votat duke rrëzuar një herë e mirë tentativën për t’i dhënë dinjitetin e nevojshëm Shqipërisë”, thekson Tabaku.
Më tej deputetja Tabaku ka thënë se me këtë raport të publikuar nga KiE tregohet qartë se Shqipëria nuk i ka plotësuar dy kushtet.
“Shqipëria në këtë situatë nuk ka mundur të respektoj minimalisht dy kushte esenciale të procesit të integrimit. Së pari, nuk ka mundur të zbatojë kushtin e zgjedhjeve të lira dhe të ndershme. Së dyti, por jo nga rëndësia, ka dështuar në luftën e pastrimit të parave. Një betejë esenciale në rrugëtimin tonë si komb drejt integrimit në BE”, thekson Tabaku.
