Kryeministri Edi Rama ka komentuar infektimin me koronavirus të kryebashkiakut të Tiranës, Erion Veliaj. Gjatë një vizite në një fabrikë në Lezhë, Rama kërkoi mbajtjen e maskave në ambientet e mbyllura, si dhe distancën fizike, njësoj siç ai ka bërë me Veliajn.
Rama shpreson që mos të jetë ai politikani i radhës i infektuar me COVID-19
“Distancë në ambientet e jashtme dhe maskat në ambientet e brendshme dhe jeni në rregull. Edhe Lali Erin në distancë e kam mbajtur, ishallah po e kalon lehtë ai dhe s’ma ka lënë mua stafetën”, u shpreh Rama.
Veliaj konfirmoi dje se ishte infektuar me koronavirus dhe se punën do e ndiqte nga shtëpia.
