Qeveria ka nisur punën për të bërë bilancet e tërmetit të 26 nëntorit dhe për të nxjerrë një faturë dëmesh.
Kryeministri Edi Rama u ka dhënë ultimatum kryebashkiakëve, në lidhje me shpenzimet që do të bëhen.
Gjithashtu po shihet mundësia e transferimit të fondeve nga buxheti i 2020-ës.
Rama u ka bërë me dije kryebashkiakëve, se vitin e ardhshëm nuk do të blihet asnjë makinë, nuk do të pajiset asnjë zyrë.
Sipas tij, kush do të lëvizë, ta zëvendësojë makinën me kalë.
“Ne do të kalojmë si fazë të parë nga buxheti i 2020, 0.4% të PBB duke u siguruar që deficiti primar pozitiv të mbetet pozitiv, asnjë ndryshim parametrash që mund të kërcënojë qëndrueshmërinë e gjithë sistemit makroekonomik. Po studiohet edhe cilat fonde mund të transferohen. Ka një zë që lidhet me të gjitha shpenzimet, në vitin e ardhshëm nuk do të blihet asnjë makinë, nuk do të pajisjet asnjë zyrë, nga ato që kanë qenë rutina dhe do të bllokohen blerjet e makinave, dollapëve, koltuqeve, TV-ve në të gjithë bashkitë e vendit. Kush do të jetë keq për makinë të gjejë një kalë edhe nuk ka problem, kryetar bashkish me kuaj do të ishin një inovacion ekologjik. Edhe sidomos kryetarët e njëzive administrative do të ishin të mirëseardhur në komunitet, qe te mos levizin me vetura neper qendrat e qyteteve”, tha Rama.
