Mbledhja e dy qeverive të Kosovës dhe Shqipërisë nisi edhe me një kuriozitet në madh për paraqitjen e jashtme të kryeministrit Edi Rama.
Kreu i qeverisë është vënë re teksa kishte veshur një kollare shumëngjyrëshe, e cila dukej si një ditar me shënime nga arritjet e bëra në këto vite qeverisjeje të tij.
E dizajnuar plot me ngjyra të ndezura, të cilat duket se janë në preferencën e kryeministrit, kollarja mban shifra të buxhetit të shtetit.
“Buxheti në lekë, 774.5000.000 …..Realizim” janë disa nga termat e shkruara në kollare që vihen re nga fotot e publikuara në media.
Kujtojmë që sot në Tiranë u zhvillua mbledhja e përbashkët e dy qeverive, të Shqipërisë dhe të Kosovës ku në axhendë ishte nënshkrimi i 14 marrëveshjeve.
Ndër marrëveshjet më të rëndësishme të nënshkruara ishin: Kosova me doganë në portin e Durrësit, linja e përbashkët hekurudhore dhe ndërtimi i një hidrocentrali.
Mbledhja midis dy qeverive ishte parashikuar të zhvillohej më 25 shtator në Shkodër, por për shkak të seancës së Kuvendit të Kosovës u shty për sot më 2 tetor 2020.
