Kryeministri Edi Rama ka takuar ditë e sotme dy medalistet e arta të Kosovës në xhudo në Lojërat Olimpike të Tokios. Rama ka ndarë disa foto me Nora Gjakovën dhe Distria Krasniqin, krah të cilave shkruan se ishte një nder t’i mikpriste buzë Jonit, së bashku me trajnerin e tyre, Driton Kuka.
Kryeministri shkruan se uron t’i vizitojë së shpejti në Pejsë për të mësuar prej eksperiencës fantastike të shkollës së tyre të kampionëve
“Nder i madh të mikpres buzë Jonit dy kampionet e arta olimpike, Norën e Distrian, së bashku me Dritonin, trainerin e tyre fenomenal dhe miqtë e tjerë
Me respekt krejt të posaçëm për forcën e jashtëzakonshme të shembullit që na japin, uroj t’i vizitoj së shpejti në Pejë për të mësuar prej eksperiencës fantastike të shkollës së tyre të kampionëve”, shkruan Rama.
Ditën e sotme dy kampioneve olimike dhe trajnerit Ton kuka iu akordua tituli “Nderi i Kombit” nga presidenti Ilir Meta “si një inkurajim edhe për të gjithë sportistët e tjerë, të cilët duhet t’i konsiderojnë sukseset e tyre edhe si një mundësi të madhe të promovimit të vlerave të sportit, të kulturës dhe të trashëgimisë sonë kombëtare”.
Nora Gjakova dhe Distria Krasniqi i dhanë Kosovës 2 medalje të arta në xhudo në këto Lojëra Olimike, pasi Majlinda Kelmendi bëri histori në “Rio 2016” duke fituar të artën e parë për Kosovën në një Olimpiadë.
