Ditën e sotme kryeministri Rama ka shpërndarënjë mesazh sensibilizues lidhur me rrezikshmërinë e koronavirusit, duke publikuar në Facebook një video, ku COVID-19 ‘flet’ vetë lidhur me qëllimin e tij: marrjen e jetëve.
Me anë të disa ilustrimeve, “virusi” këshillon të gjitha ata që duan të shpëtojnë prej tij që të qëndojnë në shtëpi pasi një ditë ai do të largohet edhe nga vendi ynë, duke ppërcell mesazhin që njerëzit duhet të bëhen të forte.
“Si të njoha ty? Unë jam i fuqishëm! S’kam armë por mund të vras. S’kam këmbë por lëviz më shpejtë se ti. Nuk kam duar por mund të kapem kudo. Je i madh por je i dobët. Ke sy por nuk më sheh dot, ke veshë por s’më dëgjon. Ja pra ku u njohëm. S’kam shtëpi dhe asnjë vend ku të shkoj, duhet të lëviz dhe kam udhëtuar në të gjithë botën. Kam qënë në Kinë dhe tani jam në vendin tënd. Ti ke një shtëpi, por nuk të rrihet aty. Tani e di se jam i rrezikshëm. Do të më vrasësh por je i pafuqishëm, sepse jam një virus. Së shpejti do të mërzitem edhe unë me vdekjen,”-thuhet në video.
https://www.facebook.com/138734771522/posts/10157594308666523/
Sakaq, ministrja e Shëndetësisë Ogerta Manastirliu ka dhënë sot një urdhër lidhur me të gjitha institucionet arsimore (përfshirë edhe çerdhet), të cilat do të qëndrojnë mbyllur deri në përfundimin e gjendjes së epidemisë të shkaktuar nga COVID-19.
Ndërkohë mësimi për të gjithë nxënësit vijon online, ndërsa ministrja Besa Shahini deklaroi dje se provimet e Maturës Shtetërore nuk do të shtyhen por maturantëve do t’u bëhet favorizim, duke mos u pyetur në provim lidhur me leksionet që kanë marrë që nga koha kur janë izoluar në shtëpi.
Po ashtu edhe klinikat dentare do të jenë të mbyllura pas 3 prillit kurse spitalet publike dhe jopublike nuk do lejojnë të kryejnë operacione kirurgjikale.
Nuk do të lejohen grumbullimet masive në ambientet të hapura dhe të mbylluar kurse Komisionet e vlerësimit të KEMP-it nuk funksionojnë por qytetarët që nuk kanë mundësi të paraqiten do të vijojnë të marrin pagën e paaftësisë për punë.
Deri tani ka shkuar në 259 numri i të prekurve nga COVID-19, pasi gjatë 24 orëve të fundit janë kryer 152 teste, në mesin e të cilëve 16 kanë rezultuar pozitiv, teksa janë shënuar 15 viktima.
Në spitalin Infektiv ndodhen 79 persona, 7 prej të cilëve janë terapi intensive, ku 4 janë intubuar, teksa pjesa tjetër e pacientëve janë të shtruar në pavion dhe paraqesin gjendje të stabilizuar shëndetësore.
