Për më shumë se 5 orë seancë plenare, ku shumë deputetë mbajtën fjalën e tyre në lidhje me shkarkimin e presidentit Meta, Parlamenti tashmë ka votuar “pro” rezolutës kundër dekretit të Metës.
Kundrejt kësaj rezolute janë dhënë 100 vota pro dhe vetëm 7 kundër, 2 abstenim ndërkohë që bëhet me dije që një deputet nuk ka marrë pjesë në votim.
Kjo rezolutë siç tha edhe Rama do t’i dërgohet presidentit për ta vënë në dijeni se dekreti i tij është “nul” dhe antikushtetues.
Duket se mazhoranca ka arritur të marrë 94 vota të cilat janë kriteri minimal por jo vetëm kaq, ajo ka siguruar plot 100 vota pro. Ndërkohë që nga këto vota pro kanë qënë dhe deputet pjesë të ‘opozitës së re’.
Deputetja e PD, Rudina Hajdari kur mbajti fjalë e saj në foltore tha se shqiptarët do të shkojnë në zgjedhje në datë që është përcaktuar me kohë dhe se vendimet e presidentit Meta janë antikushtetues.
Ajo gjithashtu tha se marrëveshja mes palëve do të realizohet, por nuk ka kursyer as kritikat për Metën.
