Rama: Prokuroria do të thirret për të vdekurit, ajo e di detyrën e saj

Google+ Pinterest LinkedIn Tumblr +

Rama paralajmëron Prokurorinë që të mos merret me at që ai i quajti “marrëzi të opozitës”. “Prokuroria e di vetë detyrën e saj, të përfshihet në këtë marrëzi kriminale, askush nuk do e pengojë”, deklaroi sot kryeministri Rama.

Kryeministri i Shqipërisë, Edi Rama, në një dalje për opinionin publik e ka cilësuar akzuzën nga opozita dhe Lulzim Basha për fshehjen e numrit të viktimave nga COVID-19 si një episod të shëmtuar dhe akt përcarjeje.

Rama garanton se Prokurorinë s’do e pengojë kush që të hetojë për akuzën që ngre opozita.

”Do thirret Prokuroria, edhe për të vdekurit në spital. Duke krijuar një trysni kaq të tepërt, për mjekët që kanë nevojë për inkurajim, mbështetje, falenderim.

Hyn në sferën e përbuzjes për çnjerëzoren.

Jemi të detyruar të mësohemi me kriminalizimin e mjekëve tanë kur ata i dolën zot Shqipërisë në momentin më të vështirë.

Prokuroria e di vetë detyrën e saj, të përfshihet në këtë marrëzi kriminale, askush nuk do e pengojë. Ky përshkallëzim në luftën për pushtet, duhet mbajtur shënim nga Gjykatësi suprem i popullit shqiptar, si lëndimi për ne si popull e shqiptar. Virusi nuk na ndan. Kjo nuk duhet harruar nga askush, asnjë shqiptar që mendon me kokën e tij si një akt përçarje mes nesh shqiptarëve, në luftën kundër këtij armiku. Si një akt që nxit urrjetje ndaj mjekëve tanë. Mund të nxitë edhe dhunë ndaj mjekëve, si akt turpërues. ”- deklaroi Rama.

/GazetaReforma.com/

Shpërndaje
Share.

Komento