Një ditë pasi kryeministri Rama deklaroi se paga minimale do të rritet sërish vitin tjetër, nga 34000 që është aktualisht, në 38000, deputeti Erion Braçe ka reaguar ashpër gjatë seancës së sotme plenare.
Sipas Braçes, qeveria duhet të guxojë më shumë me pagën minimale, pasi shuma që është e përcaktuar favorizon punëdhënësit e mëdhenj.
“Duhet të guxojmë me pagën mininale. Biem të gjithë dakord se sa është sot , nuk është paga minimale reale, është një kompromis, një priviliegj për punëdhënësit e mëdhenj”, deklaroi Braçe.
Po ashtu Braçe u ndal edhe tek bujqësia në vend, ku shprehet se Buxheti 2023 redukton mbështetjen ndaj fermerëve.
“Bujqësia është sektori më i gjetë i ekonomisë. Paratë që janë sot në bujqësi nuk kanë qenë më përpara, por bujqësia nuk ka qenë kurrë sa ka qenë sot, pemët kanë hyrë në prodhim me paratë e bujqëve. Mbështetja e drejtpërdrejtë është 14 mld lekë. Jam kundër shkurtimit të buxhetit, kërkoj 1 mld lekë për ata që janë shpallur fitues dhe ato para janë jetike. Nuk pranoj që në vitin 2023 të planifikohet më pak.Skema e TVSH nuk është mbështetje e drejtëpërdrejtë për fermrët e TVSH. Nuk ka tjetër sektor që e ka 0 në hyrje dhe 20% për dalje. Ne kemi nevojë për prodhimin këtu. Skema e mësbtejtes nuk mund te jëtë ajo që ne shohim sot”, vuri theksin Braçe.
