Kryeministri Edi Rama njoftoi në një konferencë për shtyp së bashku me Ministren e Infrastrukturës, Belinda Balluku, uljen e çmimit të energjisë elektrike për konsumatorët shqiptarë nga 1 shkurti.
Ky është hapi i parë për uljen e çmimit pas 35 vitesh, si pjesë e një plani strategjik për sigurinë energjitike dhe kthimin e Shqipërisë në eksportues neto energjie deri në fund të mandatit të katërt.
Rama theksoi gjithashtu se ekonomia pritet të rritet me 4% në vitin 2025.
Ai foli për avancimin e energjisë diellore, duke theksuar se Shqipëria prodhon 10% të energjisë së saj nga dielli, duke kryesuar në rajon.
