Kanë nisur përgatitjet në Sheshin “Skënderbej”, për festën që do të organizoj Partia Socialiste. Nga fotot shihet që në shesh janë vendosur karriget kuq e zi dhe në mes një podium me logon e Partisë Socialiste. Më herët me anë të një postimi në rrjetet sociale vetë kryeministri i vendit Edi Rama njoftoi se sot në orën 18;00 do të mbajë një takim. Partia Socialiste ende pa përfunduar numërimi i votave në të gjithë vendin ka bërë thirrje për festë në sheshin qendror të kryeqytetit “Skënderbej”. Vetë kryeministri i vendit, Edi Rama me anë të një postimi në rrjetet sociale ka paralajmëruar festën e madhe që do të zhvillohet në shesh. Ai i ka ftuar të gjithë që të marrin pjesë në atë që ai e ka quajtur “përqafim i fitores”. Rama ka bërë ftesë që të bashkohen të gjithë dhe shfaqet më i buzëqeshur se kurrë. Ai ka ftuar në festë skuadrën kampione të patronazhistëve, koordinatoreve, drejtuesve, deputetëve dhe çdo qytetari që ka dëshirë të bashkohet.
“Sot në 18.00, në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores #PS12#Fitore #Kampionë”, shkruan Rama.
Kujtojmë se partia Socialiste ka marrë deri në këto momente 74 mandate, Partia Demokratike ka marrë 59 mandate, Ndërsa Lëvizja Socialiste për Integrim ka marrë 4 mandate dhe PSD ka marrë 3 mandate.
