Tashmë ka përfundruar rikonstruksioni i tre godinave në Qytetin Studenti dhe për të parë punimet nga afër i pranishëm ka qenë vet kryeministri, Edi Rama.
Në deklaratën e tij kryeministri ka thënë se ky korpus do të rindërtohet edhe një herë, pasi ka shumë faktorë që i kanë zënë frymën studentëve.
Sipas Ramës, problemi qëndron në rimarrjen e hapësirave dhe ky është faji i qeverisjes Berisha dhe abuzimet që ajo qeveri ka bërë me kthimin e pronave, por edhe me privatizimin e disa godinave.
“Kemi problem rimarrjen e hapësirave, pasi një pjesë janë të abuzuara nga kohët e mëparshme me kthimin e pronave që nuk duhet të kishin ndodhur dhe janë bërë në shkelje të ligjeve. Në mjediset shkollore edhe ligji e ndalonte kthimin e pronës. Janë bërë abuzime të mëdha me godinat, që i takojnë Qytet Studentit dhe janë privatizuar”, ka thënë kryeministri Rama.
Mirëpo një tjetër pjesë me rëndësi që është përmendur është edhe përgatitja e një inventari, ndërkohë që projekti për ndërtimin e hapësirave të reje, rekreative apo akademike është në zhvillim e sipër. Sipas Ramaës gjithçka është në fuksionim e sipër.
“ Deri në fund të këtij mandati të gjithë konviktet e Shqipërisë do të jenë ndërtuar me këtë standard. Me fillimin e mandatit të ri të bashkisë së Tiranës do të ecim me punën për kampusin, investim goxha i madh, por do të bëhet, ashtu sikur do të fillojmë në fund të këtij viti investimet për laboratorët”, është shprehur gjatë fjalës së tij Rama.
