Asgjë nuk zgjat përgjithmonë dhe sigurisht që nuk kishte për të zgjatur edhe durimi i socialistëve e veçanërisht i kryeministrit Rama për të pritur opozitën për negocim.
Qëndrimi tashmë ka ndryshuar tërësisht dhe këtë e ka bërë të ditur vet kryeministri duke thënë qartë se nuk do ta përsërisë më hisotirnë e ndodhur në maj të vitit 2017.
Nga Librazhdi Rama ka folur qartë dhe hapur për këtë çështje.
“Pastaj në 2013, pastaj në 2017-ën. I kemi mundur me herë të tëra, Saliu me gjithë shtetin e tij që nuk linte gjë pa bërë për të na penguar ta nxirrnin votën nga kutitë edhe nuk mundim dot Lulin?! Edhe zgjedhjet e 2017-ës i humbën duke qenë në qeveri, djegin mandatet dhe tani i thonë njerëzve jemi si ju. Tani i thonë njerëzve shkoni në burg për ne, se ndoshta do të marrim pushtetin, por Noc Rrokun do marrësh Lul. Historia hajde të shohim, hajde ta zgjidhim, nuk ka. Nuk ka më asnjë lloj tryeze për të negociuar mandatin që na keni dhënë ju. Nuk na keni dhënë mandatin të shohim mandatin me Monën”, u shpreh nga Librazhdi Edi Rama.
