Kryeministri ynë, Edi Rama është i ftuari i Kongresit Vjetor të homologes së tij, Giorgia Melonit në Itali, festë e cila zgjat 4 ditë nga 14 dhjetori në 17 dhjetor.
Rama është i ftuar për të folur për marrëveshjen e emigrantëve, që është diskutuar për parregullsi të mëdha dhe si antikushtetuese.
Rama është shprehur se qendra e pritjes nuk është Guantanamo dhe se “duhet respekt për viktimat e kampeve të vërteta të përqendrimit”. Ai sqaroi se kjo marrëveshje nuk është antikushtetuese.
“Personat e shpëtuar në kuadër të marrëveshjes për emigrantët mes Italisë dhe Shqipërisë nuk do të lihen në det apo do të dërgohen në Guantanamo apo në një kamp përqendrimi siç thonë disa”, u shpreh Rama.
Ai kundërshton opozitën teksa shprehet se duhet të kemi respekt për viktimat e kampeve të vërteta të përqendrimit dhe të Guantanamos.
