Ndërkohë që protesta ka nisur në Fier dhe vazhdon ende, kryeministri Rama ka nisur takimin e tij “bashkia që duam”.
Para qytetarëve të mbledhur, Rama deklaruar hapur se nuk ka për t’u dorëzuar para kërkesave të opozitës. Rama ka thënë se ka marrë shmë mesazhe nga individë që i kërkojnë që të mos dorëzohet, mirëpo edhe këtë herë nuk i ka kursyer ironitë duke thënë se nuk ka kujt t’i dorëzohet, duke iu referuar në këtë rast protestuesve edhe si “petritët e Saliut”.
“100 petritat e Saliut atje te kthesa që përfaqësojnë dëshpërimin e madh të Saliut dhe të çetës së tij plakë që tani ka mbetur aty ku i takon, rrugëve, rrugëve. Rrugët e lëna rrugëve ne i morëm trashëgim dhe pak nga pak po i sistemojmë. Siç i la rrugët rrugëve e nxori PD-në rrugëve. Ju them të gjithëve të mos shqetësohen më çojnë sms ‘mos u dorëzo’, kujt t’i dorëzohemi. Atyre atje tek kthesa? Që në kthesë janë e atje do jenë për sa kohë nuk ndahen nga ata që i kanë marrë peng. Peng i ka marrë koka që s’di ku i çon”, tha Rama.
Ai risolli në vëmendje marrëveshjen e majit 2017 me kreun e PD dhe tha se nuk pati asnjë ankesë për zgjedhjet parlamentare.
“Nëse ju kujtohet shumë mirë para 1 viti e gjysmë, thuajse 2 vjet i kishim në mes të bulevardit, nën dritaren e punës sime e fillonin mëngjesin me himnin kombëtar dhe e mbaronin ditën me birra dhe thoshin nuk dalim më nga çadra po nuk iku ky bashkë me qeverinë. Ne i morëm në qeveri, morën ça deshën por i thashë që kush fiton nuk kontestohet. I bënë zgjedhjet, i humbën në rregull. u lodh Luli nëpër Shqipëri dhe fjeti gjithë verën. Nuk pipëtiu asnjëri. Kolegji Zgjedhor pa punë, asnjë ankesë, nga askush. Zgjedhjet e para në historinë e Shqipërisë, asnjë nuk vuri firmë në ankesë. 7 me 0 të gjitha firmat deri në KQZ. Tani çfarë ka ndodhur, prapë nga e para. Tani jo në çadër por rrugëve, prapë nga e para. Kë duan të bëjnë për budallenj këta. Mirë kur duan të vijnë në Tiranë mbyllin bashkinë e Kamzës, Shkodrës, Lezhës, Kukësit, i hipin në autobusë, bashkë me ca të tjerë nga ata që i mbyllën lojërat e fatit dhe çfarë kërkojnë. Kërkojnë dy gjëra, i kërkojnë t’i shmangen qershorit që vjen, se do vijnë këtu në Fier, do kandidojnë këtë Luanin. Ça do thotë Luani, më jepni votën që të kthejmë Gjanicën si ishte. Më jepni votën që t’i bllokojmë prapë kanalet vaditëse. Ne i kemi zhbllokuar 500 km kanale vaditëse. Këta thonë na jepni votën ne, ti bllokojmë prapë. Më jepni votën që të hapim lojërat e fatit prapë, që atë binanë e madhe të Astrit Veliut ta bëjmë UFO, etj etj dhe na jepni votën që biznesi i vogël të paguajë 9%. Kush i ha këto?”, tha Rama nga Fieri.
