Nga takimi elektoral ditën e sotme në qytetin e Kavajës, Edi Rama ka vijuar me batutat thumbuese në drejtim të kryebashkiakut të Tiranës Erion Veliaj dhe vetes për ta bërë më ‘humoristike’.
Teksa bënte krahasimin me kundërshtarët e tij politikë, Rama tha se nëse qytetarët nuk e durojnë atë të fikin televizorin, ndërsa nëse nuk durojnë dot Veliajn ta thyejnë fare, sepse i pari i Tiranës iu del ditë e natë.
”Nuk do që ta shohësh me sy Edi Ramën, më e thjeshta në botë, fik televizorin. Nuk do që ta shohësh me sy Lalin se të del ditë natë në televizor, thyeje televizorin, se me këtë jeni rehat se ky nuk del as në televizor (i referohet Redjan Kralit)”, tha Rama.
Për të balancuar situatën, i pari i socialistëve u shpreh edhe për Kralin “ta dini ju sa e rrah unë këtë”, me pretendimin e kërkesës së llogarisë, sa herë që punët në qytet nuk shkojnë si duhet.
‘Kur marr ankesa nga njerëzit unë nuk mërzitem me njerëzit por mërzitem me këta! Si t’ja bëjmë ne tani që më të mirë se Redi nuk kemi këtu. Është djalë punëtorë pa llafe shumë dhe pa hajdutëria! Bashkëpunojmë dhe bëjmë projekte të përbashkëta!’– tha Rama.
