Rama konfirmon Safet Gjicin si kandidat të Partisë Socialiste në zgjedhjet vendore të 30 qershorit. “Kandidatin nuk e solla unë e gjetëm mes jush.
Ja ku e keni.
Po s’fituat kampionatin të paktën fitoni Bashkinë.
Nuk e sollëm ne e gjetëm mes jush. “ u shpreh Rama.
Ndër të tjera Kryeministri Rama në takimin e tij në Kukës ka përmendur dhe taksën për Rrugën e Kombit.
Ai është shprehur se ishte gabim për taksën e vendosur për banorët e kukësit dhe për këtë arsye qeveria ndryshoj vendim.
“Faktikisht ne e kishim gabim dhe ju kishit të drejtë.
Ajo që ka rëndësi ama është se deri dje Kukësi dhe gjithë Shqipëria kishte një qeveri që gabonte shumë, mendonte pak dhe nuk reflektonte kurrë, ndërsa tani kemi një qeveri që gabon pak, mendon shumë dhe reflekton.
Ne nuk jemi një qeveri që nuk gabojmë. Në këtë rast ju kishit të drejtë dhe më vjen shumë mirë që unë mund ta kuptoj faktin që kemi reaguar shumë mirë dhe sot po sjell fitim.”- tha Rama.
Burimi Balkanweb.
