Kryeministri Edi Rama, nëpërmjet një video-mesazhi të publikuar në rrjetin social “Facebook”, rëndit arsyet përse duhet të fitojë mandatin e tretë. Rama shprehet se PS e meriton këtë mandat që Shqipëria të mos kthehet më pas, por të përmbyllë punët që janë nisur.
“Shqipëria duhet patjetër të shkojë në pikën që nuk kthehet më pas dhe që Shqipëria të shkojë aty ku nuk kthehet dot më mbrapsht duhet mandati i tretë. Në mandatin e tretë janë shumë gjëra që përmbyllen.
Duhet mandati i tretë që përfundimisht të heqim nga jetët tona armikun e padukshëm. Duhet mandati i tretë që përfundimisht të kthejmë në shtëpi të gjitha familjet që u prekën nga tërmeti. Duhet mandati i tretë që drejtësia të forcohet dhe të bëhet e pathyeshme”, tha Rama.
Ndërkohë më herët, Rama në një emision televiziv theksoi se është i bindur në fitoren e mandatit të tretë, madje do të jetë një fitore e PS-së shumë më e thellë se fitorja e vitit 2017: “Unë asnjëherë nuk hy në ndeshje duke menduar humbjen. Hy për të fituar. Kam të gjitha arsyet që të besoj, bazuar edhe në sondazhe, se vota për mandatin e tretë po konsolidohet. Mbajeni shënim, këto zgjedhje do të kemi rezultat më të mirë se në 2017”, tha Rama.
https://www.facebook.com/edirama.al/videos/2941224979443405
