Ditëjn e sotme kanë mbërritur në aeroportin e Rinasit dozat e para të vaksinës “Pfizer”. Si një tallje për shqiptarët, numri i tyre ka qenë vetëm 1170. Në një kohë kur e gjithë bota po has vështirësi në sigurimin e vaksinave, kryeministri rama gjen luksin të refuzojë vaksinat që na sigurohen edhe falas. Ishte ambasada Ruse ajo që pak kohë më parë i ofroi Shqipërisë falas vaksinën e saj “Sputnik V” kundër koronaviursit, por i indinjuar PR-i kryeministrit, Endri Fuga tha se ky ishte një provokim. Edi Rama në pritjen ceremonike që i bëri sot 1170 dozave të Pfizer, ndryshoi qëndrim, por me kushtin që edhe BE të ndryshonte qasje ndaj vaksinave lindore. Nga ana tjetër shifrat e të infektuarve rriten dita-ditës dhe procesi i vaksinimit po ecën shumë ngadalë.
“Nëse BE hapet ndaj vaksinave kineze e ruse, menjëherë shikojmë qasjen. Sa kohë BE është i mbyllur ndaj këtyre opsioneve, asnjë paragjykim shkencor apo natyrë tjetër.”- tha Rama.
Ky reagim vjen pasi edhe Gjermania ka ndryshuar kurs duke e riparë mundësinë për të marrë vaksinat e Lindjes. Ministri gjerman i Shëndetësisë, Jens Spahn deklaroi sot se nuk sheh ndonjë pengesë themelore për përdorimin e vaksinave kineze dhe ruse COVID.
Në një kohë që Europa është në vështirëi për sigurimin e vaksinave nga kompanitë perëndimore, qasja ndaj Rusisë dhe Kinës ka ndryshuar menjëherë. Nëse shtetet e fuqishme europiane kanë luksin të sigurojnë vaksina nga cilado kompani, një vend i vogël si Shqipëria e ka të pamundur të marrë doza në sasi të mëdha. Sërish, kryeministri Rama i jep vetes të drejtën për të refuzuar e pranuar oferta nga dëshiron ai. Në një kohë që mund ta merrnim vaksinën falas, detyrohemi të paguajmë miliona euro për të. Mbi të gjitha marrin doza qesharake që kryeministri i pret sikur të ishin shpëtimi. Veçse ka dështuar në mënaxhimin epandemisë, qeveria e Ramës dështoi edhe në sigurimin e vaksinave.
/iconstyle.al/
