Kryeministri Edi Rama vijon me propagandën në prag të zgjedhjeve elektorale të 25 Prillit.
Me anë të një video të publikuar në rrjetet sociale, Rama ka treguar ndryshimet që ka pësuar kalja e Beratit me projektin e ri të ndriçimit artistik.
Kryeministri duket aq i vetëkënaqur nga ky projekt, saqë e krahason me filmin e njohur të “ Game of Thrones”.
“Nuk është Game of Thrones, po Kalaja e Beratit pas përfundimit të projektit të ndriçimit artistik”, shkruan kryeministri Rama në rrjete sociale.
Kujtojmë se këto ndryshime nëpër qendrat e qyteteve historike vijnë në një kohë prag fushate. Përmendim këtu dhe gjithë ndërtimet e tjera që po bëhen në Gjirokastër dhe Vlorë.
Premtime që kryeministri i kishte dhënë në dy mandatet e para duket se i ka lënë për ti plotësuar tani.
Me shpresën se mund të fitojë dhe mandatin e tretë, Rama “zvarriti” gjithë procesin e rindërtimit nga tërmeti shkatërrues i nëntorit.
Tani në prag fushate disa prej familjeve të lëna në harresë po marrin çelësat e shtëpive private.
Sa i përket fushatës elektorale që po zhvillon Partia Socialiste në vend, e gjithë vëmendja është përqëndruar tek tërmeti dhe pandemia.
Duke nisur nga vetë Kryeministri Rama, kryebashkiaku Erion Veliaj e deri tek numri dy i PS, Taulant Balla, fjalia e vetme e përmendur është kërkimi i nj mandati tjetër me premtimet e vjetra.
