Kryeministri Edi Rama i është përgjigjur kreut të Partisë Demokratike,Lulzim Basha, i cili tha se se opozita është e gatshme të mbështesë hapjen 100% të listave, por me kushtin që të mos preken koalicionet dhe shpërndarja e mandateve.
Në një postim në Twitter, kryeministri Rama shkruan se është pozitiv gjysëm hapi për hapjen e listave, por sa dhe si do të hapen nga jo më pak se 75% në 100% kjo i takon diskutimeve pas 30 korrikut.
Ndërkohë në lidhje me koalicionet parazgjedhore, Rama tha se ato nuk do ndalohen, por do standartizohen si në çdo vend të Europës, por edhe kjo do të shikohet pas datës 30 korrik.
Pozitiv gjysëm hapi i LBPD për hapjen e listave, që është thelbi i risive kushtetuese! Si e sa do hapen nga jo më pak se 75% në 100% kjo i takon diskutimeve pas 30 korrikut! Deri në 30 korrik ka rëndësi hapja e sotme e LBPD për listat, çka vetëm votimi 30 korriku e garanton.
Sa për koalicionet parazgjedhore ato nuk do të ndalohen, thjesht do të standartizohen si kudo në Europë,po edhe kjo do të shkruhet e votohet pas 30 korrikut,kështu që për sot i vetmi ndryshim është hapja e LBPD ndaj risisë kushtetuese që do të sjellim në 30 korrik!Mjaft pozitive!
