Rama i la jashtë ndihmës ekonomike, zbulohet plani financiar i FSHF për klubet

Google+ Pinterest LinkedIn Tumblr +

Federata Shqiptare e Futbollit ka përgatitur një plan financiar për të mbështetur klubet e futbollit.

“Balkanweb” bën me dije se FSHF pritet të paguajë pagat minimale për të gjitha klubet nga Superliga deri në Kategorinë e Dytë.

Ndërkohë një ditë më parë organi më i lartë i futbollit në vend i kërkoi klubeve dorëzimin e listëpagesave.

Tashmë është mbledhur një grup pune pranë FSHF dhe po vlerëson planin e ndihmës.

Nuk dihet ende përsa kohë futbolli do të qëndrojë i pezulluar dhe për sa kohë Federata do t’i paguajë klubeve pagat minimale.

Kryeministri Edi Rama ndërkohë e ka lënë jashtë ndihmës financiare futbollin.

Disa ditë më parë FSHF nëpërmjet një letre drejtuar Këshillit të Ministrave, kërkoi përfshirjen e futbollit në paketën e ndihmës financiare, pasi klubet nuk paguanin dot stafin dhe lojtarët.

E menjëhershme ishte edhe përgjigja e kryeministrit Edi Rama, i cili tha se ndihma do të jepet vetëm për ata që kanë më shumë nevojë.

Shpërndaje
Share.

Komento