Nënkryetari i Partisë së Lirisë Petrit Vasili ka reaguar menjëherë pas deklaratave të kryeministrit Rama që mbronin koncesionin e sterilizimit. Rama deklaroi se nga ky koncesion janë ulur infeksionet post-operatore, gjë të cilën Vasili e konsideron si një broçkull, pasi sipas tij sterilizimi i instrumenteve është vetëm njëri nga dhjetëra shkaqe për infeksionet spitalore dhe as ka qenë ai përcaktuesi në dominimin e tyre dhe aq më pak që t’i çonte drejt zeros.
Vasili thekson se është absurde të thuash që po çojmë në zero infeksionet spitalore se sterilizuam instrumentet me PPP (koncesion), teksa kujton ngritjen e një protokolli të plotë në 2012 që detajon luftën kundër infeksioneve spitalore.
POSTIMI I PLOTË
Edi Rama flet broçkulla, për të blerë heshtjen në grabitjen me sterilizimin!
Kryeministri peng i koncesioneve hajdute sot tha se infeksionet spitalore janë në minimum se ky kishte bërë PPP (koncesion) për sterilizimin e instrumenteve.
Kryeministri vazhdon të flasë qëllimisht si injorant sepse duhet të justifikojë aferën e sterilizimit.
Po i shpjegojmë një herë e mirë këtij që ta mbyllë gojën e të mos vazhdojë me broçkulla qe nuk i ha njeri, vetëm e vetëm për të mbrojtur hajdutllëqet e tij
1️⃣ Infeksionet spitalore kanë dhjetëra arsye përse shfaqen dhe për këtë arsye janë edhe tepër të vështirë për t’u luftuar kudo në botë edhe në ambientet spitalore me infrastrukturën më të përsosur e moderne.
2️⃣ Sterilizimi i instrumenteve është vetëm njëri nga këto dhjetëra shkaqe dhe as ka qenë ai përcaktuesi në dominimin e tyre dhe aq më pak që t’i çonte drejt zeros.
3️⃣ Pasi beteja me infrastrukturën e dobët dhe me shumë shërbime mjekësore që janë burim i infeksioneve spitalore apo nozokomiale si dhe rezistenca tepër e rritur ndaj antibiotikëve janë ato, që përcaktojnë e dominojnë të gjithë tablonë e këtij problemi madhor të mjekësisë botërore.
4️⃣ Asnjë specialist mjekësie në botë nuk do guxonte të thoshte që po çojmë në zero infeksionet spitalore se sterilizuam instrumentet me PPP (koncesion).
5️⃣ Ka edhe një protokoll të plotë që detajon luftën kundër infeksioneve spitalore që në vitin 2012, i cili u përgatit nga specialistë të shkëlqyer profesionalisht dhe tepër modestë moralisht.
6️⃣ Në QSU që në 2012 ka qenë ngritur një sektor i veçantë për ndjekjen e infeksioneve spitalore.
Po ta lexonte sado pak këtë protokoll ky kryeministër i korruptuar dhe shkollëpak do skuqej për broçkullat që flet.
Megjithatë të nderuar miq, këto shpjegime ishin vetëm për ju dhe në respekt të dëshirës tuaj për të ndarë informacione korrekte.
Ky shkollëpaku nuk lexon e kupton asnjë rresht nga këto sepse ai është rehat boll lekët të vidhen pa u ndalur.
Ai është i lumtur se di shkrim e lexim dhe këto mjaftojnë, që ai të vazhdojë të lexoje çfarë t’i vënë përpara, boll të garantojë heshtjen dhe mbylljen e gojës që komprometon rëndë vetë atë.
P.S. Fotot janë protokolli për infeksionet spitalore hartuar në 2012.
