Kryeministri Edi Rama ka komentuar dy ngjarje mediatike të vitit, që lidhen me vrasjet në Pogradec dhe atë të 14-vjeçarit Martin Cani.
Gjatë konferencës me gazetarët, Rama theksoi se, ndërsa këtë vit u arrit niveli më i ulët i vrasjeve, mediat dhe politika shpesh kanë kërkuar spektakle, duke manipuluar publikun.
Ai vuri në dukje se pas vrasjes së 14-vjeçarit, u krijuan skenare të rreme dhe u akuzua pa të drejtë policia për fshehje të fakteve.
Rama e quajti këtë një “krim moral”, duke kritikuar mediat për përhapjen e dezinformatave dhe manipulimin e opinionit publik.
