Kryeministri Edi Rama ndodhet ditën e sotme në Bruksel ku është takuar me Komisionerin Europian për Zgjerimin, Oliver Varhelyi dhe shefin e politikave të jashtme të Bashkimit Evropian, Joseph Borell. Të dyja palët kanë mbajtur deklarata, ndërsa kryeministri Rama nuk i ka kursyer kritikat për shpërndarjen e vaksinave nga ana e BE. Ai tha se janë 140 vende pa marrë vaksinat si për të justifikuar ardhjen e e pakët të vaksinave në vendin tonë.
“Ishte një moment tronditës për njerëzit tanë. Jemi të rrethuar në rajonin tonë nga BE. Njerëzit tanë e ndjenë që vaksinat nuk i meritonin ti kishin në një kohë me të tjerët. Por ju e dini si shkoi kjo punë. Sot, 140 vende janë pa vaksina, 10 vende kanë marrë vaksinat. Jam i lumtur të shpall që COVAX ka nisur shpërndarjen, jemi të lumtur që do të marrim dozat e para të AstraZeneca. Po shohim përtej burimeve të dëshirueshme të vaksinave… Ju theksoni se Shqipëria ka bërë çdo gjë që duhet të bënte, ne e dimë si shkojnë gjërat, ne e kemi bërë punën tonë dhe jemi përherë të vëmendshëm për të dëgjuar Komisionin”, ka thënë Rama.
Ndërkohë, Varhelyi ka thënë se në Shqipëri do të mbërrijnë së shpejti doza të vaksinës AstraZeneca me anë të programit COVAX.
“Sfidat janë më të jashtëzakonshme në Shqipëria. Po jep rezultate dhe po mban premtimet që ka bërë dhe po përmbush kriteret. ta përcojmë këtë mesazh, për reformën e ligjit, ishin cështjet kyce. Procesi i vetingut i cili po ecën fuqishëm. Ceshtja tjetër që kemi diskutuar ka qën kriza e pandemisë. Ne u mobiolizuam menjëherë dhe sollëm mbështetje dhe Shqipërisë. Kemi mobilizuar dhe një program, i cili është i rëndësishëm, unë mendoj se është kontributi ynë i rimëkëmbjes së Shqipërisë. Ky është një mesazh i fortë që duhet ta kuptojnë të gjtihë. Disa kanë probleme për të siguruar vaksinën. Ne nuk i kemi harruar Ballkanin, nuk po harrojmë, po punojmë dhe me Covax dhe me iniciativa të tjera. Do të ketë një shpërndarje nga Astrazeneca në Shqipëri.”
