Nga aeroporti i Rinasit ku priti vaksinat kineze, kryeministri Rama tha sërish se vendi ynë është i gatshëm të vaksinojë personelin mjekësor të Kosovës. Rama tha se për 20 ditë mund të kryhet vaksinimi i 11 mijë bluzave të bardha të Kosovës dhe procesi mund të përshpejtohet nëse ata vijnë në Kukës.
“Dua të shtoj se ne sot kemi mundësi të japim një mesazh të drejtpërdrejt Kosovës, vlëllezërve dhe motrave tona atje, jemi gati menjëherë që nga nesër të marrim përsipër vaksinimin e bluzëve të bardha të Kosovës. Janë 11 mijë bluze të bardha atje dhe për 20 ditë ne jemi gati të kryejmë vaksinimin e ttë gjithëve. Nëse ata duan të organizojnë procesin dhe vijnë më shpejt në Kukës, s’ka problem, mund të bëhet në një kohë më të shpejtë”, tha Rama.
Rama gjithashtu tha se ka diskutuar me ministren e Shëndetësisë për ta bërë vaksinimin me tre turne e të krijohen orare të posacme deri në mesnatë.
Së bashku me ministren e Shëndetësisë, kemi diskutuar dhe janë marrë masat që procesi i vaksinimit të fillojë menjëherë sapo të fillojnë vaksinat të fillojnë procedurat e regjistrimit dhe shpërndarjes në të gjithë territoret dhe të krijojmë një orare të posaçëm vaksinimi deri në mesnatë, duke e bërë dhe me tre turne. Ministria e Shëndetësisë dhe autoritete të posaçme do të japin leje për të gjithë të moshuarit që do të jenë pjesë e regjistrit të vaksinimit, nga moshat më të larta duke zbritur poshtë”, tha kryeministri.
