Deputeti i opozitës parlamentare, Ralf Gjoni në fjalën e mbajtur në Kuvend ditën e sotme ka folur si kurrë më parë për fenomenin e blerjes së votave duke ia adresuar fajin drejtëpërdrejtë qytetarëve shqiptarë.
Gjithashtu Gjoni u shpreh se qytetarët shqiptar i kanë hak të gjitha problemet që kanë. Gjoni e nisi fjalën e tij duke iu replikuar fillimisht deputetin Myslym Murrizi në dy çështje delikate që e bënë të flasë sot në seancën e parafundit parlamentare.
Murrizi kërkoi që deputetët të cilët nuk kishin arritur të merrnin herësin, nga qytetarët, të jepnin dorëheqjen nga posti. Ndërsa më tej, Murrizi tha gjithashtu se pret që në shtator, të ketë nj bashkëpunim mes dy partive kryesore PD dhe PS.
“O Myslym i dashur se po shkojmë drejt fundit të kësaj legjislature, une kisha vendosur mos të bëja fjalim sot por më ngacmove në dy gjëra, listat e Filip Reekerit dhe shpresoj shumë ti ketë sjellë ato lista të inkriminuarish dhe të ja ketë dorëzuar Ramës sepse ashtu do të tregohet se sa prej tyre do jenë këtu në parlamentin e shtatorit nesë ai do të ngrihet.
Por më ngacmove shumë me atë 100 euroshin se te zona ime në Xhamllik në 2017 me 20 mijë lekë e kam shit votën. Po tregoj edhe një histori të vogël sa për replikë, shkon një deputet i sapozgjedhur në një zonë të jugut edhe ngrihen banorët skemi uje, skemi drita, skemi bukë për fëmijët. Këta pyesin edhe thonë kush është ky? Beqiri thonë këta, i tha ça ke Beqir, unë ty të kam dhënë lekët për votën, mbylle gojën dhe dil jashtë dhe beqiri mE bishtin ndër shalë doli pa folur. E vërteta është e hidhur o Myslym, edhe na dhmeb të gjithëve por një popull që shet votën sulltanatin e ka pak, talljen e ka hak!”- tha Gjoni.
