RAI 3: Olsi Rama lëvizte me trafikantët e drogës, emri iu fshi nga dosja gjyqsore

Lajmi për hetimet e fundit në lidhje me lidhjet e mundshme të Olsi Ramës, vëllait të kryeministrit shqiptar Edi Rama, me organizata të krimit të organizuar, u trajtua në emisionin investigativ “Report” të RAI 3. Ky emision zbuloi se si Olsi Rama është përfshirë në një çështje që lidhet me një laborator të kokainës në Xibrakë, pas denoncimeve të bëra nga Gazment Bardhi, kreu i grupit parlamentar të PD-së. Bardhi pretendon se vëllai i kryeministrit është “personi i panjohur” në dosjen e këtij laboratori.
Dokumentet e emisionit “Report” zbulojnë se “Olsi Rama ka përdorur për lëvizjet e tij të njëjtën makinë që ishte në shërbim të një karteli të narko-trafikut shqiptar” dhe shton se “Emri i tij, madje është fshirë nga dosjet gjyqësore”. Ky është një tregues i rëndësishëm që e mund ta lidhë atë me aktivitete të jashtligjshme, por vëllai i kryeministrit nuk është guxuar të merret as në pyeje.
Prokurori italian Nicola Gratteri në një intervistë për Rai-n thekson rritjen e mafias shqiptare, duke thënë se “Mafia shqiptare është e fortë sepse vjen nga shtet ku ka një korrupsion të përhapur. Tashmë është strukturuar dhe ka arritur të punojë në bashkëpunim me N’Drangheta”.
Transparency International e rendit Shqipërinë si një nga vendet më të korruptuara në Europë. Një rekord i trishtë i mbajtur prej disa dekadash. Gazetari kujton se vite më parë, kur sapo kishte ardhur në pushtet, kryeministri Edi Rama kishte emëruar si këshilltar ish-prokurorin italian Francesco Mandoi që për 20 vjet kishte qenë një pikë lidhjeje mes prokurorisë italiane të anti-mafias dhe dhe prokurorisë shqiptare.
“Nuk pati zhvillime të mëdha të ndonjë konsulence. Këshilltar në letra, por nuk më dëgjuan kurrë. Nuk më telefonuan kurrë edhe pse kishte shumë punë për të bërë. Anëtarët e mafias shqiptare apo narkotrafikantët kanë përfaqësuesit e tyre brenda institucioneve dhe kanë mundësi për të kushtëzuar veprimet e qeverisë” – thotë ish këshilltari i Edi Ranës, prokurori i antimafias italiane Francesco Mandoi.
Ndërkohë, Edi Rama dhe Olsi Rama nuk kanë komentuar akuzat specifike të Bardhit, por kanë njoftuar se do të padisin për shpifje. Ky rast ngre pyetje të mëdha mbi integritetin dhe transparencën në qeverisjen e Shqipërisë, dhe tregon sfidat me të cilat përballet vendi në luftën kundër korrupsionit dhe krimit të organizuar.
Lexo më tej
27 tonë mish me dokumente false, AKU bllokoi asgjësimin për një muaj dhe fajësoi Prokurorinë: Kush mban përgjegjësi?
Një ngarkesë prej 27 tonësh mish derri të pacertifikuar, e futur në Shqipëri nga kompania “King-Mit” me dokumente…
Qeveria e Kosovës reagon ashpër pas dënimit të Thaçit: Drejtësia në Hagë duhet të jetë e drejtë, transparente dhe e besueshme
Qeveria e Kosovës ka reaguar pas vendimit të Gjykatës Speciale në Hagë ndaj ish-presidentit Hashim Thaçi dhe të…
Shqipëria po shpopullohet, 11,4 mijë studentë jashtë vendit, rekord në Ballkan
Shqipëria vijon të përballet me largimin e të rinjve, ndërsa mijëra studentë zgjedhin universitetet e huaja për të…
5 vite denoncime ndaj SHYZE dhe G-KAM në Tiranë/ Fitim Bejko akuzon: Më dëmtuan banesën, më zaptuan truallin, ndërtuan 70 cm larg në vend të 17 metrave dhe tani duan të më shembin garazhin! Institucionet heshtin
Prej pesë vitesh, banorët pranë ish-parkut të autobusëve, në zonën e rrugës “Ndre Mjeda” në Tiranë, denoncojnë dëmtimin…



