Një aksident me pasojë vdekjen është regjistruar mesditën e sotme në rrugën rurale Kolonjë-Fier.
Një 42-vjeçar është rrëzuar nga motori teksa po merrte kthesën.
Mësohet se viktima është Shpëtim Bajaziti, banues në Kolonjë.
Ai u transportua me urgjencë në spital, por nuk mundi dot t’i shpëtojë plagëve të marra.
Sipas policisë, 42-vjeçari udhëtonte pa kaskë, ndërsa shpejtësia e madhe në kthesë ka bërë që të dalë nga rruga.
Mësohet se Bajaziti në momentin e aksidentit po kthehej në shtëpi.
