Një zjarr i fuqishëm ka rënë në qytetin Studenti në Tiranë, pak momente më parë.
Flakët janë përhapur me shpejtësi, duke përfshirë një sipërfaqe të konsiderueshme.
Dyshohet se nga zjarri është djegur edhe një shtëpi.
Ndërkohë flakët janë duke rrezikuar edhe konviktet e studentëve.
Në vendngjarje kanë mbërritur zjarrfikësit, të cilët po punojnë për shuarjen e flakëve dhe vendosjen e tyre në kontroll.
Ende nuk ka të dhëna për dëmet materiale të shkaktuara nga zjarri.
