Një qytetare ka rrëfyer një incident me ndërmjetësuesen Eni Çobani, duke publikuar mesazhe private ku Çobani i drejtohet me fjalë ofenduese.
Sipas rrëfimit, një mikeshë e qytetares kishte komentuar në një postim lidhur me disa të pavërteta të pretenduara në emisionin “Shihemi në Gjyq”, duke akuzuar Çobanin për manipulim dhe marrje parash nga qytetarët që paraqiten në program.
Komenti i mikeshës ishte fshirë, dhe më pas ajo kishte marrë një mesazh privat me gjuhë fyese nga Çobani, ku i thuhet:
“Kape fort atë që ke se të mban me bukë dhe mbulohu sa më shumë moj idiote femër”.
Ndjekësja shprehet se mikeshë e saj nuk kishte ofenduar, por kishte kritikuar publikisht mënyrën e trajtimit të rasteve dhe kishte akuzuar Çobanin për përfitime financiare dhe nxitje të gënjeshtrave.
