Mbrëmjen e djeshme, në katin -1 të Spitalit të Neurologjisë në QSUT u konstatuan prani tymi.
Sipas burimeve, ambienti i prekur shërbente si magazinë për dyshekë dhe sende të tjera, por jo për pajisje spitalore.
Reagimi QSUT:
Mbrëmjen e sotme, rreth orës 21:45, në katin -1 të Spitalit të Neurologjisë është konstatuar prani tymi, pa asnjë rrezik për pacientët apo stafin.
Stafi mjekësor dhe ekipet teknike kanë ndërhyrë për të vlerësuar situatën dhe garantuar vijimin normal të shërbimit. Aktualisht në ambientet e spitalit nuk ka asnjë rrezik pêr pacientët apo personelin dhe puna vijon pa asnjë pengesë.
Autoritetet përkatëse janë njoftuar për të kryer verifikimet e nevojshme dhe për të siguruar që gjithçka është në parametra të sigurt.
