Trupi i pajetë i Kryepiskopit Anastas ka mbërritur në Kakavijë, ku qindra besimtarë u mblodhën me lule në duar për t’i dhënë lamtumirën.
Në Tiranë, trupi i tij do të mbërrijë sot rreth orës 16:00, ku do të zhvillohen homazhe për dy ditë.
Kortezhi mortor do të shoqërohet nga mitropoliti i Apolonisë dhe Fierit, peshkopi Krougias Anastasios, si dhe priftërinjtë Charalambos Giokas dhe Spiridon Topantzas, bashkëpunëtorë të ngushtë të Kryepiskopit gjatë ringjalljes së Kishës Ortodokse Autoqefale të Shqipërisë.
Në ceremoninë mortore do të marrë pjesë edhe nënkryetari i Sinodit të Shenjtë të Kishës së Greqisë, Mitropoliti i Nafpaktos dhe Agios Vlasios, Ierotheos.
