Pandemia ka tkurrur 27.8 miliardë lekë të ardhurat në buxhetin e shtetit në 9-mujorin e parë të vitit 2020.
Sipas publikimit më të fundit të Ministrisë së Financave për ecurinë e treguesve fiskalë për periudhën janar-maj 2020, krahasuar me të njëjtit muaj të vitit të kaluar, të ardhurat janë minus 27.8 miliardë lekë më pak ose minus 14.8%.
Për periudhën 9 mujore 2020, të ardhurat e buxhetit të shtetit u realizuan në masën 160,599 milionë lekë nga 172,778 milionë lekë që ishte plani i periudhës ose minus -12,179 milionë lekë.
Krahasuar me të njëjtën periudhë të vitit të kaluar, të ardhurat janë minus 27.8 miliardë lekë më pak ose minus 14.8%.
Ndikuar nga situata e pandemisë COVID -19, të gjithë zërat e të ardhurave të buxhetit të shtetit kanë një rënie në krahasimin me planifikimin, me përjashtim të të ardhurave nga fondet speciale.
- Të ardhurat nga grantet u realizuan në masën 1,7 miliardë lekë nga 4,5 miliardë lek që ishte plani i periudhës me një mosrealizim prej minus 2,2 miliardë lekë;
- Të ardhurat Tatimore (ku përfshihen të ardhurat nga tatimet dhe doganat, të ardhurat e pushtetit vendor dhe të ardhurat nga fondet speciale ) u realizuan në masën
149,691 milionë lekë nga 158,356 që ishte plani i periudhës me një mosrealizim prej – 8,665 milionë lekë;
- Të ardhurat jo-tatimore u realizuan në masën 9,185 milionë lekë nga 9,910 milionë lekë, me një mosrealizim në shumën -725 milionë lekë;
- Ndikimin më të madh në rënien e të ardhurave e kanë pasur të ardhurat nga
Tatimet dhe Doganat, të cilat u realizuan në masën 103.3 miliardë lekë nga 112,838 miliardë lek që ishte plani i periudhës, me një minus prej 9.9 miliard lek ose minus 8.8%.
Krahasuar me të njëjtën periudhë të vitit të kaluar të ardhurat janë minus 21.8 miliardë lekë ose minus 17.5%. Ndërsa, krahasuar me Buxhetin fillestar, të ardhurat u realizuan minus 27.2 miliardë lekë ose minus 20.9%.
Në zërin e taksave me mosrealizimin me të madh e ka tatimi mbi vlerën e shtuar me realizim në masën prej 93.9% të planit të periudhës, tatimi mbi fitimin me 81.5% dhe taksat nacionale me 86%.
Shpenzimet e përgjithshme publike, për muajin e pestë të vitit 2020, arritën në rreth 187.08 miliardë lekë me një realizim në masën 90% të planit të periudhës, ndërsa krahasuar me të njëjtën periudhë të vitit 2019, ky zë ka rezultuar 0.5% më pak ose 901 milionë lekë më pak. Në terma vjetorë, shpenzimet e përgjithshme për 5 mujorin e vitit 2020 u realizuan në masën 34.1% të planit vjetor sipas Buxhetit fillestar dhe 33.5% të planit vjetor sipas Aktit Normativ nr.15 datë 15.04.2020.
Shpenzimet korrente për periudhën 5 mujore të vitit 2020 rezultuan në rreth 166.54 miliardë lekë, ndërsa krahasuar me të njëjtën periudhë të një viti më parë ky zë ka rezultuar 0.4% më i lartë ose 707 milionë lekë më shumë. Shpenzimet kapitale për muajin e pestë të vitit 2020 paraqesin një realizim në masën rreth 20.5 miliardë lekë.
Krahasuar me të njëjtën periudhë të vitit 2019, ky zë është 7.1% më i ulët ose rreth 1.57 miliardë lekë më pak.
Shpenzimet për Fondet Speciale për muajin e pestë të vitit 2020 rezultuan në nivelin rreth 67.95 miliardë lekë, me një realizim prej 93% kundrejt planit të periudhës.
Niveli i deficitit në muajin e 5-të të vitit 2020 rezultoi në rreth 26.35 miliardë lekë nga rreth 35.18 miliardë lekë i planifikuar. Krahasuar me të njëjtën periudhë të një viti më parë, ku niveli i suficitit arriti në masën 338 milionë lekë për periudhën 5- mujore të vitit 2020, ky tregues rezulton rreth 26.69 miliardë lekë më pak.
/GazetaReforma.com/
