Nëntë udhëheqësit separatist katalanas të cilët u burgosën për rolin e tyre në një përpjekje të dështuar për pavarësi të vitit 2017 janë lënë të lirë ditën e sotme pasi qeveria u dha atyre falje.
Ish-nënkryetari i Katalonjës, Oriol Junqueras, pesë anëtarë të tjerë të kabinetit, ish-kryetari i parlamentit rajonal dhe dy aktivistë pro pavarësisë ecën të lirë pak pas mesdite. Ata kishin kaluar midis tre e gjysmë e katër vjet pas hekurave.
Dhjetëra mbështetës ishin mbledhur në shi jashtë burgut të Lledoners, në veri të Barcelonës, ku ishin mbajtur.
liderët e referendumit mbanin një banderolë që lexonte “Liri për Katalonjën”, si dhe një flamur katalanas. Ata iu drejtuan mbështetësve të tyre në gjuhën katalanase.
“Ne jemi të vetëdijshëm se sot, me lirimin tonë nga burgu, asgjë nuk ka përfunduar,” u tha Junqueras mbështetësve. “Burgu nuk na tremb, ai përforcon idetë tona.”
Në të njëjtën kohë, dy të burgosurit e mbetur, të dyja gra, u lanë të lira nga dy institucione të tjera.
Separatistëve të dënuar më burg në vitin 2019, iu dha falja të martën nga qeveria e kryeministrit Pedro Sanchez në një gjest të vullnetit të mirë që synonte të lehtësonte tensionet midis Madridit dhe katalanasve pro pavarësisë.
Në tetor të vitit 2017, seprartistë kaluan një deklaratë pavarësie të njëanshme për një kohë të shkurtër bazuar në rezultatet e një referendumi të gjykuar të paligjshëm nga gjykatat e larta të Spanjës, duke e zhytur vendin në krizën e saj më të thellë politike për dekada.
