Ashtu siç është paralajmëruar edhe para nisjes së Vitit të Ri, Qendra Kombëtare e Urgjencave Mjekësore ka qenë në gatishmëri për do problematik që është hasur gjatë natës së ndërrimit të viteve.
Drejtuesit e qendrës kanë bërë me dije se janë përballur me fluks telefonatash nga qytetarët të cilët kërkonin ndihmën e specialistëve.
“Gjatë natës së vitit të ri kemi patur mbi 1200 telefonata nga qytetarët, kryesisht për probleme të intoksikimit etilik, ku nga këto janë kryer mbi 300 vizita në shtëpi pra misione shpëtimi”, shprehet Lejdi Kazazi, mjek në Qendrën Kombëtare të Urgjencave Mjekësore.
Sipas QKUM-së ka qenë vetëm një person i dëmtur dhe disa problematika të tjera, sidurisht të një magnitude më të vogël.
“Përveç alkoolit, kemi patur edhe raste të problemeve kardiake, ndërkohë që një rast me traumë në gishta është dërguar në spitalin ushtarak për ndihmë mjekësore”, shprehet mjeku Kazazi.
Natën e ndërrimit të viteve janë ndihmuar dhe disa persona prej aksidenteve rrugore, ndërsa për një urgjencë në një zonë të thellë është përdorur helikopteri.
