Ditën e hënë kryeqyteti u trondit nga vrasja e Vilson Tafçiut.
Mirëpo, pak minuta më parë se të ndodhte kjo ngjarje, një tjetër rast i rëndë ka ndodhur.
Në bllokun e pallateve që ndodhet pranë mbikalimit të Kamzës, është plagosur me kaçavidë një 37-vjeçar, Ilir Ziu.
Për këtë ngjarje është arrestuar Adriano Hamiti, 19 vjeç.
Ai ka pranuar krimin, duke thënë se 37-vjeçari e ofendonte herë pas here.
Kështu, pas një debati të momentit ai e ka goditur atë me thikë.
Bëhet me dije se mes tyre ekziston një lidhje krushqie, por nuk specifikohet çfarë lidhjeje.
Ziu ka qenë në rrezik për jetën, por tashmë është jashtë rrezikut nën kujdesin e mjekëve në Spitalin e Traumës.
Materialet do t’i kalojnë Prokurorisë, për veprën ‘Plagosje e rëndë me dashje’.
