Bora Zemani ka qenë e ftuar ditën e sotme në shtëpinë e “Big Brother Vip”, për të shuar zërat që po qarkullojnë në media kohët e fundit, se mes Semit dhe Donaldit mund të ketë një raport më shumë se sa shoqëror.
Bora takoi Semin, shoqen e saj të ngushtë me të cilën ka një njohje prej 15 vitesh. Ajo mes emocionesh ka treguar se nuk është mërzitur aspak që Donaldi dhe Semi kanë komentuar lidhjen e tyre dhe ka shtuar se është një histori aq e bukur sa ia vlen ta bësh edhe film.
Pak çaste pasi përfundoi takimin me Semin, ka qenë Donaldi ai që ka shprehur dëshirën për ta takuar Borën, pas pyetjes që i bëri Arbana. Më pas Arbana pyeti edhe moderatoren në qoftë se do kishte dëshirë ta takonte ish-partnerin.
Takimi i tyre nisi me një përqafim të gjatë dhe me një trëndafil që Donaldi ia dhuroi Borës.
‘’Si je…?’’, e pyeti Bora
‘’Jam i turbullt’’,- u përgjigj Donaldi.
Ndër të tjera Bora zgjodhi që t’i jepte pak forcë dhe motivim ish-partnerit të saj për të vazhduar me entuziazëm këtë rrugëtim. Takimi i tyre u shoqërua me shumë emocion ndërsa publiku brohoriste për një puthje romantike.
