Punonte taksist ‘në të zezë’, dalin detaje të reja nga ekzekutimi i 71-vjeçarit në Prezë

Google+ Pinterest LinkedIn Tumblr +

Zbardhen detaje të reja nga vrasja e 71 vjeçarit Abdulla Budlla në Fushë-Prezë mbasditen e sotme. Trupi i tij u gjet në anë të rrugës mbi një fuçi.

Nga informacionet paraprake mësohet se Budlla punonte si taksist në të zezë dhe kjo mund të shërbejë si një pistë kërkimi nga ana e policisë.

Viktima ka qenë duke udhëtuar me makinën e tij tip “Renault “, por është qëlluar jashtë tij nga një tjetër makinë në lëvizje.Ndërkohë mësohet se Budlla ishte babai i tre djemve, dy prej të cilëve jetonin në Itali dhe tjetri punonte këtu si taksist në aeroportin e Rinasit.

Për momentin vetëm punonjësit e tij mund të japin detaje lidhur me autorët pasi në zonën ku ndodhi vrasja nuk ka asnjë kamera sigurie.

Ndërkohë policia pasi ka mbërritur në vendngjarje duke bërë rrethimin e zonës dhe ngritjen e pikave të kontrollit në aksin rrugor Rinas-Fushë Krujë dhe Rinas-Vorë-Tiranë.Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve.

Kujtojmë se Abdulla Budlla, nga fshati Hametaq, Njësia Administrative Prezë është qëlluar me armë zjarri rreth orë 16:45 në Fushë Prezë në rrethana ende të paqarta.

 

Shpërndaje
Share.

Komento