Ditën e sotme u konfirmuan 34 raste të reja me COVID-19, duke e çuar numrin e përgjithshëm në 712.
Në mesin e të prekurve është edhe një 15-vjeçare në Mat.
Adoleshentja rezultoi pozitive vetëm 10 ditë pas ishte kthyer nga Fushë Kruja, ku banon nëna e saj, pasi prindërit janë të ndarë.
Mësohet se gjendja e vajzës është e qëndrueshme dhe për momentin ndodhet në banesën e saj në fshatin Batërr e Vogël në Mat.
Sipas Mattv.al, adoleshentja ishte e punësuar në një fasoneri në Fushë Krujë, së bashku me nënën e saj
Nëse konfirmohet se vajza ishte e punësuar në fasoneri, përveç shkeljeve të masave të sigurisë, administratori duhet të përballet me veprën penale të shfrytëzimit të të miturve, e cila sanksionohet nga ligjet shqiptare dhe konventat ndërkombëtare.
Ndërkohë në fshatin Batërr, autoritetet kanë nisur dezinfektimin dhe gjurmimin e kontakteve të 15-vjeçares.
