Punonte 16 orë në ditë për të mbajtur familjen, këto janë pistat ku po heton policia për vrasjen e 37-vjeçarit në Vlorë

Google+ Pinterest LinkedIn Tumblr +

Një 37-vjeçar u gjet i pajetë në orët e para të mëngjesit të djeshëm në lagjen “Kushtrimi” në Vlorë.

Fillimisht u tha se kishte ndërruar jetë si pasojë e një arresti kardiak, por pas ekspertizës, rezultoi se është qëlluar me armë zjarri.

Ekspertët dyshojnë se përtej vrasjes, Kreshnik Dashaj, është dhunuar me sende të forta, për shkak të plagëve në kokë.

Trupi i tij i pajetë u gjet pranë banesës së tij.

Dashaj punonte në  një fabrikë këpucësh në Vlorë dhe po kthehej në shtëpi.

Fqinjët nuk kanë dëgjuar zhurma, çka ka ngritur dyshime se mund të jetë qëlluar me një armë me silenciator.

Zona ku ndodhi krimi është e pa ndriçuar dhe nuk ka kamera sigurie.

Policia ndërkohë po punon për të gjetur ndonjë provë, që mund të çojë në identifikimin e autorit.

Kreshnik Dashaj ishte me origjinë nga fshati Lubonjë.

Ai ishte zhvendosur 12 vjet më parë në Vlorë, ndërsa më parë ka jetuar edhe si emigrant në Greqi.

Dashaj rezulton person pa precedentë penalë, ndërsa edhe fqinjët shprehen se ishte person i qetë.

Hetuesit po përpiqen të zbulojnë nëse viktima ka pasur ndonjë konflikt kohët e fundit, apo vrasja ka ardhur si pasojë e një grabitje të shkuar keq.

Shpërndaje
Share.

Komento